كونى انتى...كتاباتى

]فى يوم من الايام كنت نتفرج على برنامج فى قناة الشبابيه


وبرنامج هدا ايعالج مشاكل العاطفيه والاسريه


اسمه كونى انتى.. وفى اليوم هدا اتصل بنت بى الدكتور الاجتماعيه (زينب)


وتمت تحكيله فى قصتها..والدكتوره ردت عليه...


وانى الحوار اللى بينهم ومشكله البنت


جسدت فى شعر يعنى ....


البنت اتقول...


الزمان حكم..


يادكتوره خلانى عايشه فى هم ....بعد ماناونى


القصه هيا ...


يادكتوره كيف كل ابنيه...


درت غالى اقريب ليا...


غلاه تما يجرى بديل الدم...


مبسوطه باحياه عايشه هنيه...


نحساب ريدى نا امغير علم..


بعد وقت بانن حاجات واجده مخفيه...


على خونه ع غدر ع كذب كله التم...


تميت مصدومه فى حياه منسيه...


بعد خونته اتقول شارب سم..


سبحان الله اللى مازلت حيه...


من غدار ناس صارولى اقدم..


وهدى قصتى فى الحياة الكيه..


وأملى خلاص فيها أعدم...


عليا شورى يا دكتوره هيا...


ليش الخاينه بيش نا نفهم



الدكتوره ردت رد صريحه وقاسى كيف كل مراه وقالت...


كونى أنتى....


وانسى الغوالى يلى عليهم هنتى...


دكتور زينب اتقول ...


كونى هيا ..


رمز الشهامه للمراء الليبيه..


وانسى سريب الغلا والغيه...


وانسى هلى فى حياته هنتى...


وخودى النصيحه زين يامدعيه...


لو كانك بى حق أمنتى...


الجنس الاخر مايجيب غير السيه...


ومشاكل واجده ماتعرفى يابنتى...


وأنتى صغيره سن ماتحمليش السيه...


على قولتك الاوهام قبل ماوطنتى..


اتقوللها....


انسى موضوعه...


غدار خاين ماتحلمى برجوعه...


حتى لو جاك نادم كاثرات أدموعه..


حتى اناكن فى غلاه أذمنتى...


ياما عليه بكيتى دم ياملذوعه...


ومع كل ملذوعين اضمنتى...


وهو مع غيرك شاعلات اشموعه...


وأنتى لقطه فى حياته كنتى...


موش غير أنتى اللى موجوعه...


ولا لاوله هلى فى العذاب سكنتى...


ناس واجده كيفك هى مخدوعه...


أجروحه أكبر من أجروحك أنتى...


غير خلى روحك صابره وقنوعه...


وبيبان الغلا قفلى يابنتى...



وبعدها البنت تمت تبكى..ودكتوره وجعتها وقتلها


يأخد سوك...


اهو مع الايام بان عدوك...


لاتبكى ولا يتعكر جوك..


على جرح واحد من أسبابه كنتى...


صيوره مع الايام يصفا جوك...


وتنسى مواجع واجده يابنتى....


كونى أنتى ...


وانسى الغوالى يلى عليهم هنتى...


دكتور زينب اتقول...



اتم[/size]نا ان ينا[/size]ل أعجباكم[/size][/size][/center]